په خوست کې د پیښو سره د مبارزې ریاست د اداري تعمیر چارې وڅارل شوې
۱۴۴۷/۰۲/۰۵
د خوست ولایت د کور او ښار جوړولو ریاست محترم رئیس مولوي امان الله اسد وایي، چې د دې ریاست د انجینري او تخنیکي ټیم لخوا د پیښو سره د مبارزې ریاست د اداري تعمیر د ودانیزې پروژې څارنه وشوه.
ښاغلي مولوي اسد وویل، یاده پروژه چې دوه پوړه او یوه تهکوي لري، د اساسي ساختماني معیارونو سره سم اعمارېږي چې په دې تعمیر کې د اداري خونې، د اوبو څاه، د فاضلاب سیستم او برقي سیستم شامل دي.
د نوموړي په خبره، چې د پروژې له ټولو چارو څخه د انجینري او تخنیکي ټیم لخوا دوامداره څارنه ترسره کېږي چې دمګړۍ د دې پروژې چارې ۴۰٪ بشپړې شوې دي.
د کور او ښار جوړولو وزارت مرکزي او ولایتي ټیمونه پروژو له چارو څارنه کوي، تر څو چارې د نقشې مطابق په معیار برابرې تر سره شي.
