په جوزجان ولایت کې د افغان ترک روغتون ودانیزې چارې و څارل شوې
۱۴۴۶/۴/۲۵
د جوزجان ولایت دکور او ښار جوړولو ریاست محترم رئیس ملا عبدالله فیضان وایي، د دې ریاست د انجنیري ټيم په ملتیا یې د افغان ترک روغتون له ودانیزو چارو څارنه وکړه.
ښاغلي ملا فیضان وویل، د افغان ترک روغتون د پایوازانو د خونې او هټیو ودانیزې چارې روانې وې، چې چارې یې و څارل شوې.
د نوموړي په خبره، یاده پروژه په مرکز شبرغان کې موقعیت لري چې دمکړۍ هلته د دریم پوړ د چت د کانکریټ اچونې چارې روانې وې او قراردادي شرکت ته لازمې سپارښتنې وشوې تر څو چارې د نقشې مطابق مخته یوسي.
د کور او ښار جوړولو وزارت د ادارو په غوښتنه د پروژو لپاره نقشې طرحه اوډیزاین کوي او له ودانیزو چارو یې څارنه کوي.
