په تخار کې ۴۵۲۸۸ جریبه څړځایونه ثبت شول
ښارجوړولو او ځمکو وزارت په هېواد کې د څړځایونو سروې او ثبت پروژې د تطبیق له لارې په تخار ولایت کې ۴۵۲۸۸ جریبه څړځایونه سروې او ثبت کړل.
ښارجوړولو او ځمکو وزارت د څړځایونو سروې او ثبت له پیل نه را پدیخوا، تر اوسه د هېواد په ۲۸ ولایتونو کې څه د پاسه ۳ میلیونه جریبه څړځایونه ثبت کړي دي.
ښارجوړولو او ځمکو وزارت په هېواد کې د څړځایونو سروې، تثبیت، نښه کولو او ثبت پروژې له تطبیق سره عامه او خاصه څړځایونو څخه ګټورې استفاده او همداراز اقتصادي او مالداري ځان بسیاینې ته زمینه برابره کړې.
###
