په بامیان کې د ۴۵ محلي ښوونځیو د سروې او برآورد چارې ترسره شوې
۱۴۴۷/۰۳/۲۸
د بامیان ولایت د کور او ښار جوړولو ریاست محترم رئیس انجنیر امان الله امان وایي چې د دې ریاست اړوند تخنیکي ټیم د بامیان ولایت په مرکز او ولسوالیو کې د ۴۵ محلي ښوونځیود سروې او برآورد چارې ترسره کړې.
ښاغلي انجنیر امان وویل، دا چارې د بامیان ولایت محترم مقام د حکم او د پوهنې د محترم ریاست د وړاندیز پر بنسټ د یوه ګډ پلاوي له لوري ترسره شوې چې پکې د کور او ښار جوړولو، معارف، اقتصاد ریاستونو او د ADA تعلیمي موسسې استازي شامل وو.
د نوموړي په خبره، د سروې له مخې، یاد محلي ښوونځي د بامیان ولایت په بېلابېلو کلیو کې موقعیت لري چې د قرغنتو، سرخدر، شهرک بابا، سنگچسبان، سرخقول پایین، لالهخیل، جگرهخیل، دهن سوماره، دهن آهنگران، قازان، کته سنگ، بندنیل، پای کوتل عزیز، خشکک او نورو کلیو ښوونخي پکې شامل دي.
د سروې او اړتیاوو د ارزونې پر بنسټ، ټولې صنفي خونې متر شوې دي او ټاکل شوې چې د رغونې بیل احجام وروسته د کور او ښار جوړولو ریاست لخوا ترتیب او نهایي شي.
د بامیان ولایت په مرکز او ولسوالیو کې د محلي ښوونځیو د ودانیزو اړتیاوو سروې او ارزونه به د دې سبب شي چې د زده کوونکو لپاره د مناسب تعلیمي چاپېریال د برابرولو په برخه کې اساسي ګامونه پورته شي. د کور او ښار جوړولو وزارت د معارف له ریاست سره په همغږۍ هڅه کوي چې د زده کړې لپاره د اسانتیاوو پراخولو ته ځانګړې پاملرنه وکړي.
