په ارزګان کې د ولایتي روغتون د بیړنیو خدماتو خونې له چارو تخنیکي څارنه ترسره شوه
۱۴۴۷/۱۱/۲۳
د ارزګان ولایت د کور او ښار جوړولو ریاست مسلکي ټیم، د ولایتي روغتون د بیړنيو خدماتو خونې او د جدي مراقبت څانګې له روانو چارو څخه تخنیکي څارنه ترسره کړه.
د څارنې موخه د ساختماني او تخنیکي کارونو د کیفیت او موثریت ډاډمنول و. د ساحوي ارزونې پر مهال، کارکوونکو ته لازمې تخنیکي لارښوونې ورکړل شوې او ټینګار وشو چې ټول کارونه د منظور شوو نقشو او ډیزاینونو له مخې او د تخنیکي اصولو په رعایت سره پر مخ یووړل شي.
د ارزونې له مخې، د یادو څانګو کارونه په منظم، دقیق او د منلو وړ کیفیت سره روان دي.
د روغتیايي تاسیساتو پر ساختماني چارو دوامداره څارنه د خدماتو د کیفیت لوړولو او د معیاري روغتیايي چاپېریال د رامنځته کولو لپاره مهمه بلل کېږي.
