په ارزګان ولایت کې د مرافعي محکمې اړوند د اداري تعمیر له چارو څارنه تر سره شوه
۱۴۴۷/۰۵/۰۵
د ارزګان ولایت د کور او ښار جوړولو ریاست محترم رئیس مولوي روحالله ابو احمد وایي، د یاد ریاست تخنیکي ټیم د ترینکوټ ښار د مرافعي محکمې اړوند د درې اوطاقونو د جوړولو له بهیر څخه څارنه او ارزونه ترسره کړه.
ښاغلي مولوي ابو احمد وویل، د یادو اوطاقونو کارونه تر ۸۵ سلنه بشپړ شوي، او پاتې چارې لکه رنګمالي او ساحوي صفایي دا مهال تر کار لاندې دي.
د نوموړي په خبره، د قراردادي شرکت مسوولینو ته تخنیکي لارښوونې وشوې تر څو پاتې کارونه د نقشې او پلان مطابق، په معیاري ډول ترسره کړي.
د مرافعي محکمې د درې اوطاقونو د جوړولو پروژه د ترینکوټ ښار د عامه تاسیساتو د پیاوړتیا په موخه پلې کېږي.
یاده پروژه د کور او ښار جوړولو ریاست په تخنیکي نظارت سره عملي کېږي، چې موخه یې د عدلي او قضایي ادارو لپاره د معیاري کاري چاپېریال برابرول دي.
