په آقچه ولسوالۍ کې د غلې منډوي د مارکېټ له ودانیزو چارو څارنه تر سره شوه
۱۴۴۷/۰۲/۲۶
د جوزجان ولایت د کور او ښار جوړولو ریاست محترم رئیس ملا عبدالله فیضان وایي، د دې ریاست اړوندتخنیکي ټيم د آقچې ولسوالۍ په شمال ختیځ برخه کې د غلې منډوي د مارکېټ د اعمار له روانو کارونو څارنه وکړه.
ښاغلي ملا فیضان وویل، د څارنې پر مهال موظف انجنیرانو د پروژې د داخلي پلستر کارۍ او د هټیو د فرش د سرامیک اچولو کارونه وکتل او اړوندو مسؤولینو ته یې لازمې لارښوونې وکړې.
د یادولو وړ ده، چې د آقچې ولسوالۍ د غلې منډوي مارکېټ د سیمې د سوداګرو او کروندګرو لپاره یو مهم اقتصادي مرکز بلل کېږي، چې د بشپړېدو سره به یې د سوداګرۍ اسانتیاوې او اقتصادي وده زیاته شي.
