پنجشیر کې څه باندې ۲۰۰ زره جریبه دولتي ځمکه ثبت شوه
ښار جوړولو او ځمکو وزارت په هېواد کې د دولتي ځمکو بانک برنامې په دوام، د پنجشیر ولایت اړوندو سېمو په ۲۶ قطعو کې، ۲۰۲ زره جریبه دولتي ځمکه او ملکیتونه ثبت کړي دي.
له دې شمېر څخه ۱۸۴ جریبه سپينه دولتي ځمکه او پاتې ۱۸ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او بېلابېلو ولسوالیو کې ثبت شوي دي.
ښار جوړولو او ځمکو وزارت تر دې دمه د هېواد ۳۱ ولایتونو په ۶۹۳۹ قطعو کې، ۶ مېلیونه ۸۱۱ زره او ۴۸۲ جریبه دولتي ځمکه او ملکیتونه د لویو پرمختیایي او اقتصادي پروژو د پلي کېدو په موخه سروې او ثبت کړي دي.
