پروان ولايت کې له ۲۰۰ جريبو څخه زياته ځمکه انتقال شوه
ښار جوړولو او ځمکو وزارت د ځمکو د انتقال په لړ کې دا ځل په پروان ولايت کې ۲۰۸ جريبه دولتي ځمکه ولېږدوله.
دا ټوټه ځمکه د پروان ولايت د مرکز چاريکار ښار په هوفيان شريف سيمه کې د ښوونکو لپاره د ښارګوټي دويم فيز د جوړېدو په موخه د پوهنې وزارت په غوښتنه ولېږدول شوه.
ښار جوړولو او ځمکو وزارت تر اوسه د هېواد په ۲۹ ولايتونو کې د کډوالو، معلمينو، غالۍ اوبدونکو او صنعتي پارکونو لپاره د ښارګوټو په ګډون د نورو ګڼو بنسټونو د جوړېدو په موخه د دولت بېلابېلو متقاضي ادارو ته ۲۴۲ زره جريبه دولتي ځمکه انتقال کړې ده.
