وړ کسانو ته د کار سپارلو په موخه بامیان او بغلان ولایتونو کې ازموینه واخیستل شوه
۱۴۴۵/۷/۱۸
د بغلان ولایت د کور او ښار جوړولو محترم رئیس محمد داؤد نقشبندي او دغه راز د بامیان ولایت محترم رئیس انجنیر امان الله امان وايي، په یادو ولایتونو کې یې د کور او ښار جوړولو ریاستونو اړوند د ۱۰ خالي مسلکي بستونو لپاره ازموینه واخیسته.
د بغلان ولایت د کور او ښار جوړولو په ریاست کې د انجنیرۍ د دوه بستونو او بامیان ولایت کې د اته (۸) مسلکي بستونو لپاره د یادو ولایتونو د اداري اصلاحاتو او د ولایت د محترم مقام د بشري سرچینو د استازو په شتون کې ازموینه واخیستل شوه.
یاده ازموینه د مسلکي کسانو د ګمارنې په موخه د یادو ریاستونو د خالي بستونو لپاره اخیستل شوې او ګډون کوونکو ته ډاډ ورکړل شو چې حق به یې خوندي وي او بریالي کسانو ته به دندې سپارل کېږي.
د کور اوښار جوړولو وزارت د ازادو سیاليو له لارې په مرکز او ولایتونو کې د خالي بستونو لپاره ازموینه اخلي، وړ او مسلکي کسان په دندو ګماري.
