هلمند کې څه باندې ۳۱۴ جریبه دولتي ځمکه ثبت شوه
ښار جوړولو او ځمکو وزارت په هېواد کې د دولتي ځمکو بانک برنامې په دوام، د هلمند ولایت اړوندو سېمو په ۱۳۳ قطعو کې، ۳۱۴ زره او ۵۹۷ جریبه دولتي ځمکه او ملکیتونه ثبت کړي دي.
له دې شمېر څخه ۳۱۳۲۷۹ جریبه سپينه دولتي ځمکه او پاتې ۱۳۱۸ جریبه د دولتي ادارو تر استفادې لاندې عامه ملکیتونه دي، چې د دې ولایت په مرکز او بېلابېلو ولسوالیو کې ثبت شوي دي.
ښار جوړولو او ځمکو وزارت تر دې دمه د هېواد ۳۱ ولایتونو په ۶۹۳۹ قطعو کې، ۶ مېلیونه ۸۱۱ زره او ۴۸۲ جریبه دولتي ځمکه او ملکیتونه د لویو پرمختیایي او اقتصادي پروژو د پلي کېدو په موخه سروې او ثبت کړي دي.
