هلمند کې د یو سوداګریز مارکېټ چارې و ارزول شوې
۱۴۴۶/۰۶/۱۵
هلمند ولایت کې د کور او ښار جوړولو ریاست محترم رئیس مولوي شمس الله ناظم وایي، د ریاست اړوند تخنیکي ټیم یې په دغه ولایت کې د لقمان حکیم په نوم د سوداګریز او استوګنیز مارکېټ له چارو څارنه او ارزونه وکړه.
ښاغلی مولوي ناظم وایي، یاد مارکېټ د هلمند ولایت لښکرګاه ښار په لومړۍ ناحیه کې موقعیت لري چې د پروژې د ځمکې عمومی مساحت یې (6709) مترمربع دی او په (6248) متر مربع مساحت کې یې ودانۍ جوړېږي.
نوموړی وایي، ټاکل شوې چې د یاد مارکېټ چارې په پنځه پوړونو کې تر راتلونکو درې کالونو بشپړې شي.
یاد مارکېت د اوبو او انرژۍ محترم وزارت له لوري په مشارکتي دول جوړېږي، چې ټول لګښت یې (367489572.35) افغانۍ راځي.
اړوند انجنیران وایي، په یاده پروژه کې اوسمهال د رینګ بیم، د سمپلونو د قالب بندۍ او د کانکرېټ اچولو چارې روانې دي.
مولوي شمس الله ناظم وایي، د قراردادي شرکت مسؤل انجنیر ته د سلمپ او سلنډرانو موجودیت او د هر فعالیت لپاره په ساحه کې د سلنډرونو پر ډکولو او ټاکلي وخت ازمایښت سپارښتنه وشوه.
