هلمند کې د بولان BHC روغتیايي کلینیک رغنیزې چارې دوام لري
ښارجوړولو او ځمکو وزارت د هلمند ولایت په مرکز لښکرګاه ښار کې د بولان BHC روغتیايي مرکز رغنیزې چارې ۴۵ سلنه بشپړې کړي دي.
دا روغتیايي مرکز په ۲۰۸ متر مربع ځمکه کې په یو پوړ د ۹ میلیونه او ۶۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د روغتیايي مرکزونو، د دولتي ادارو ودانیو، لوبغالو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې رغنده رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.
###
