هلمند ولایت کې د کډوالو د ښارګوټي پنځه زره جریبه ځمکې ارزونه وکړه
3/8/1445
د هلمند ولایت د کور او ښار جوړولو محترم رئیس مولوي سید نېک محمد معتصم وایي، د دې ریاست اړوند تخنیکي ټيم د بېرته راستنېدونکو کډوالو لپاره د ښارګوټي د جوړېدو او تنظیم چارې ګړندۍ کړې.
ښاغلی معتصم وایي، په یاد ولایت کې د بېرته راستنېدونکو کډوالو د ښارګوټي د ځمکې هر اړخیزه ارزونه یې وکړه.
د نوموړي په خبره، هلمند کې د کور او ښار جوړولو ریاست مسؤلینو او انجنیرانو د پلاني ساحو څخه لیدنه کړې، چې په دې لیدنه کې د بیرته راستنیدونکو کډوالو لپاره د ښارګوټي پنځه زره جریبه ځمکه بررسي او تثبیت شوه.
د کور او ښار جوړولو وزارت تخنیکي او مسلکي ټيمونه په ټولو ولایتونو کې د ښارګوټو او دولتي پروژو څخه څارنه کوي او د رغنیزو چارو ترسره کېدو په موخه چمتوالی نیسي.
