هغه کورونه چې د ښاري نقشې لاندې راځي، باید وران او ښاري نقشه عملي شي
۱۴۴۴/۰۴/۱۰
د هرات د کور او ښار جوړولو ریاست د یاد ولایت د ښاري نقشې د پلان ارزونه وکړه چې له مخې یې د هرات ښار ځینو سیمو او ناحیو کې نوي تغیرات رامنځته کېږي.
د یاد پلان د ارزونې سره سم د هرات (۱۴) مې څوارلسمې ناحیې د (پایان اب) سیمه کې یو شمېر کورونه د عمومي سړک په منځ کې راځي، چې باید له منځه یوړل شي او عمومي سړک د ښاري نقشې مطابق پلې شي.
د کور او ښار جوړولو وزارت په ټولو ښارونو کې سرغړونې، خپل سرۍ، د غیر قانوني چارو تعدیلات او تخلفات تثبیتوي او ښاري پلان د نقشې مطابق پلې کوي.
د کور او ښار جوړولو وزارت له ټولو افغانانو غواړي چې په ښارونو کې له خپل سریو، غیر قانوني کړنو او تخلفاتو لاس په سر شي او ټولې رغنیزې چارې د ښاري نقشې او پلان مطابق پلې کړي.
