هرات کې د صنعتي پارکونو د پراختیا په موخه د یو مناسب ځای پر غوراوي خبرې وشوې

 ۱۴۴۵/۰۶/۱۱

هرات ولایت کې د کور او ښار جوړولو محترم رئیس عبدالله اکبري وايي، د هرات ولایت مقام په همکارۍ او په یاد ولایت کې د صنعت او سوداګرۍ، کرنې او مالدارۍ، چاپېریال ساتنې، او اقتصاد ریاستونو او دغه راز د سوداګرې خونې، صنعت کارانو خونې، سوداګرو او نورو د مشورو وړ کسانو په ګډون یې دغه ولایت کې د صنعتي پارکونو د پراختیا په موخه د یو مناسب ځای پر غوره کولو، مشورتي ناسته وکړه.

په دغه مشورتي ناسته کې، د مناسب ځای او اغېزمنو برخو لکه، د اوبو سرچینو، انساني سرچینو، سړکونو ته لاسرسي، د برېښنا انرژۍ ته لاسرسي، ټاپي پروژې ته په لاسرسي، راتولنکو پراختیایي ساحو، د بار او لېږد اسانتیاوو، ټرانسپورټ، چاپېریالي اغېزو، خځلو او د صنعت د فاضله اوبو په تړاو خبرې وشوې.

ښاغلي عبدالله اکبري وایي، د هرات په شمال برخه کې دشت حوض، په سویل لوېدیځ کې د ګذرې ولسوالۍ په سرخه کاریز، او د هرات په لوېدیځ کې د زنده جان ولسوالۍ ترکه دښتې، هغه ځایونه وو، چې د مثبتو او کمزورو نقطو په اړه یې بحثونه وشول.

په ناسته کې، د صنعتي پارک د څانګو وېش په تړاو هم خبرې وشوې، چې د سترو، منځنیو او کوچنیو پانګوالو او صنعت کارانو او دغه راز د بېلا بېلو تولیداتو او پروسس لپاره برخې جلا شي.

د ناستې په دوام خبرې وشوې، چې باید کرنیزې ځمکې په صنعتي بدلې نه شي، خپبلې سرې پراختیا رامنځته نه شي، او هغه سیمې چې په راتلونکي کې د ښاري پراختیا لپاره په پلان کې نیول شي، صنعتي برخه کې شاملې نه شي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.