هرات کې د دوه پروژو رغنیزې چارې دوام لري

ښارجوړولو او ځمکو وزارت د هرات ولایت په غوریان ولسوالۍ کې د امام ابوحنیفې مدرسې رغنیزې چارې ۶۵ سلنه او د دې ولایت په ګذرې ولسوالۍ کې د صحي محصولاتو او د درملو د ازمویلو لابراتوار ودانۍ رغنیزې چارې ۸۰ سلنه بشپړې کړي دي.

د امام ابوحنیفې مدرسه په ۶۰۹ متر مربع ځمکه کې په یو پوړ د ۱۲ میلیونه او ۲۰۰ زره افغانیو په ارزښت د پوهنې وزارت له بودیجې او همدارا د صحي محصولاتو او درملو لابراتوار په ۱۲۵۰ متر مربع ځمکه کې په درې پوړونو د ۱۱۷ میلیونه او ۴۰۰ زره افغانیو په ارزښت د عامې روغتیا وزارت له بودیجې جوړیږي.

ښارجوړولو او ځمکو وزارت د هېواد په کچه د دولت ټولګټو، روغتیايي او تعلیمي پروژو له تطبیق سره خلکو ته د اساسي خدماتو رسولو کچه لوړه کړې او خلکو ته یې په بېلابېلو برخو کې لازمې اسانتیاوې برابرې کړي دي.

###