نهر سراج ولسوالۍ کې د یوې ودانیزې پروژې له چارو څارنه وشوه
۱۴۴۶/۰۱/۰۱
هلمند ولایت کې د کور او ښار جوړولو ریاست محترم رئیس مولوي سید نېک محمد وایي، د ریاست اړوند تخنیکي ټیم یې د دغه ولایت په نهر سراج ولسوالۍ کې د یوې ودانیزې پروژې له چارو څارنه وکړه.
د دغه ریاست د تخنیکي ټیم د راپور له مخې، په یاده پروژه کې چارې روانې دي چې دمګړۍ ودانیزې چارې په دویم او درېیم پوړ کې پیل دي.
ښاغلی مولوي سید نېک محمد وایي، انجنیرانو یې د پروژې قراردادي شرکت مسؤلینو او انجنیرانو ته لازمې لارښوونې وکړې، تر څو چارې د نقشې او پلان مطابق سرته ورسوي.
دغه پروژه د نهر سراج ولسوالۍ لپاره د اداري تعمیر جوړولو ده چې د چارو بشپړېدو سره سم به ګټې اخیستنې ته وسپارل شي.
د کور او ښار جوړولو وزارت له ټولو ودانیزو او رغنیزو پروژو څارنه کوي او هڅه کوي چې چارې د پلان او نقشې مطابق سرته ورسېږي.
