ننګرهار کې د ښارګوټو جوړولو په موخه د شل زره جریبه ځمکې په اړه خبرې وشوې
۱۴۴۶/۰۸/۲۰
د کور او ښار جوړولو وزارت محترم سرپرست وزیر الحاج شیخ حمدالله نعماني په خپل کاري دفتر کې، ننګرهار کې د کور او ښار جوړولو ریاست له محترم رئیس قاري نبی الله سعید او په دغه ولایت کې د مهاجرینو ریاست محترم رئیس سره وکتل.
ننګرهار ولایت کې ښاري پراختیا، د پلانونو اړتیا، د پلانونو جوړول او تطبیق، له چارو نظارت او څارنه، ښاري اړتیا او ځینې نور موارد هغه موضوعات وو چې، په دغه کتنه کې پرې سرپرست وزیر شیخ حمدالله نعماني خبرې وکړې.
ورپسې، ننګرهار ولایت کې د کور او ښار جوړولو ریاست محترم رئیس قاري نبی الله سعید د پورته مواردو په تړاو معلومات وړاندې کړل او د ځینو لارښوونو غوښتنه یې وکړه.
ښاغلي قاري سعید وویل، اجباري راستنېدونکو اړمنو کډوالو ته د ښارګوټو جوړولو په موخه یې په چمتله او رودات ولسوالۍ کې شاوخوا شل زره جریبه ځمکه تشخیص کړې چې، نورې چارې به یې یو د بل پسې سرته ورسوي.
اجباري راستانه شوو کډوالو ته د نمرو د وېش څرنګوالی او په ټولو چارو کې لا زیات شفافیت هغه څه چې، ښاغلي حمدالله نعماني پرې ټینګار وکړ.
د کور او ښار جوړولو وزارت هڅې پیل کړي چې، په ولایتونو کې د ښاري پراختیا لپاره د اړتیا په مهال او د امکاناتو په شتون کې عملي ګامونه پورته کړي او اجباري راستنېدونکو اړمنو کورنیو ته د ښارګوټو په اډانه کېو ځمکې تشخیص، سروې، انتقال، پلان جوړ او ووېشي.
