ننګرهار ولایت کې هم د تدریس شوو دیني درسونو ازموینه واخیستل شوه
۱۴۴۶/۰۱/۰۳
ننګرهار ولایت کې د کور او ښار جوړولو ریاست محترم رئیس مولوي محمد نبي سعیدي وایي، د دغه ریاست کار کوونکو ته د تدریس شوو دیني درسونو ازموینه واخیستل شوه.
نوموړی وایي، په ننګرهار ولایت کې هم د کور او ښار جوړولو ریاست اړوند امام او مدرس مولوي احسان الله بلندخېل له لوري د دعوت او ارشاد محترم ریاست د نصاب مطابق د اونۍ په اوږدو کې تدریس کېږي.
ښاغلی مولوي محمد نبي سعیدي وایي، دا ازموینه ډېره رڼه او په ارامه فضا کې ترسره شوه چې پایلې به یې وروسته شریکې شي.
هغه وایي، موخه دا ده چې کار کوونکو له دیني اصولو، قوانینو او مقرراتو سره اشنا او خپلې ورځنې چارې د دیني مسایلو په رڼا کې سرته ورسوي.
