ميدان وردګ ولايت کې له ۱۰۰ زره جريبو څخه زياته دولتي ځمکه سروې او ثبت شوه
ښار جوړولو او ځمکو وزارت د دولتي ځمکو د بانک برنامې په لړ کې دا ځل په ميدان وردګ ولايت کې ۱۰۷ زره ۱۱۸ جريبه دولتي ځمکه او د دولت تر استفادې لاندې عامه ملکيتونه سروې او ثبت کړي دي.
له دې ډلې څخه په ۶۶ قطعو کې ۱۰۱۳۷۸ جريبه سپينه دولتي ځمکه او په ۱۲۳ قطعو کې ۵۷۴۰ جريبه دولتي املاک دي چې د ياد ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې ۵ ميليونه ۳۹۲ زره او ۷۹۴ جريبه ځمکه او دولتي املاک سروې، نقشه او ثبت کړي دي.
