لوگر ولایت کې د فرامینو د تعقیب او نظارت ریاست د اداري تعمیر پاتې چارې پیلېږي

۱۴۴۶/۰۸/۱۲

لوګر ولایت کې د کور او ښار جوړولو ریاست محترم رئیس مولوي مطیع الله زاهد وایي، په دغه ولایت کې د فرامینو د تعقیب او نظارت ریاست د اداري تعمیر ځینې چارې په تېر وخت کې ترسره شوي، خو نیمګړی پاتې و.

ښاغلی مولوي زاهد وایي، د یاد اداري تعمیر پاتې دېرش سلنه (۳۰٪) چارې یې اوس پیلېږي، چې په تړاو یې له یو خصوصي شرکت سره تړون هم شوی دی.

نوموړی وایي، تمه ده چې دغه پاتې دېرش سلنه چارې به د (1404) د دوهمې میاشتې تر پایه سرته ورسېږي او له هغې وروسته به ګټې اخیستنې ته وسپارل شي.

له دغه چارو د نظارت او څارنې بهیر به هم په لوګر ولایت کې د کور او ښار جوړولو محترم ریاست کوي او هڅې به کوي چې چارې د پلان او منل شوې نقشې مطابق سرته ورسېږي.

د کور او ښار جوړولو وزارت د دولتي پروژو طرحه او ډیزاین کوي، تطبیق ته یې ورکوي او له پلي کېدا یې څارنه او نظارت هم کوي.