لوګر کې د برکي برک ولسوالۍ کې د ښاري پلان لپاره توپوګرافي سروې تر سره شوه
۱۴۴۷/۰۷/۰۷
د کور او ښار جوړولو وزارت د سروې او جي ای ایس ریاست محترم رئیس وویل، چې د یاد ریاست اړوند تخنیکي ټیم د لوګر ولایت د برکي برک ولسوالۍ په ساحه کې د توپوګرافي سروې چارې په بریالیتوب سره ترسره کړې.
نوموړي زیاته کړه، چې یاده سروې د ښاري تفصیلي پلان د حدودو د تثبیت په هدف د ۵۸۰.۴ جریبه ځمکې په مساحت کې ترسره شوې، تر څو د ښاري پراختیا لپاره دقیق تخنیکي معلومات برابر شي.
د سروې او جي ای ایس تخنیکي ټیم د معیاري تخنیکي وسایلو په کارولو سره ساحوي معلومات راټول کړي، چې د راتلونکو ښاري پلانونو په جوړولو کې به ترې ګټه واخیستل شي.
د کور او ښار جوړولو وزارت د سروې او جي ای ایس ریاست د هېواد په بېلابېلو ولایتونو کې د ښاري پراختیا، منظم پلان جوړونې او د ځمکو د قانوني حدودو د تثبیت په موخه تخنیکي سروې ګانې ترسره کوي.
