لوګر ولایت کې هېچاته اجازه نه ورکول کېږي، چې خپل سرې ساختماني چارې ترسره کړي
11/10/1445
د کور او ښار جوړولو وزارت هوډ لري چې په (۳۴) ولایتونو کې د خپل سرو ودانیزو او ساختماني چارو او دغه راز د پلان خلاف کارونو مخنیوی وکړي.
لوګر کې د کور او ښار جوړولو ریاست محترم رئیس مولوي مطیع الله زاهد وايي، د دې ریاست تخنیکي ټیم د لوګر محترمې ښاروالۍ له استازو سره یوځای د یوې خپل سرې ودانۍ د جوړېدو مخنیوی وکړ.
محترم مولوي مطیع الله زاهد وایي، پل علم ښار کې د ښاري اصولو او معیارونو خلاف په یوه هستوګنیز ځای کې سوداګریز مارکېټ جوړېده، چې دوی یې مخنیوی وکړ.
نوموړی وایي، د مخنیوي ترڅنګ د یاد غیر قانوني سوداګریز مارکېټ څه ناڅه ترسره شوي کارونه هم تخریب کړل شول.د کور او ښار جوړولو وزارت تخنیکي ټیمونه په مرکز او ولایتونو کې د خپل سرو او غیرې قانوني ودانیو د جوړېدو مخنیوی کوي، تر څو ښارونه د نقشې مطابق په ښاري معیارونو برابر جوړ شي.
