لوګر ولایت کې د یو مسجد او یوې دیني مدرسې طرحه او ډیزاین وشو
۱۴۴۴/۰۱/۰۳
د لوګر ولایت د ښار جوړولو او ځمکو ریاست په دغه ولایت کې د یو مسجد او یوې دیني مدرسې طرحه او ډیزاین وکړ.
دغه طرحه او ډیزاین د یاد ولایت د ارشاد، حج او اوقافو ریاست په غوښتنه ترسره شو، چې د مسجد او مدرسې دېوال او سایټ پلان هم ډیزاین شو.
ټاکل شوې چې دغه مدرسه او مسجد د لوګر ولایت په کنجک سیمه کې جوړ شي.
دغه راز په یاد ولایت کې د پوهنتون څلور پوړیزه ودانۍ او د زندان ودانۍ د اوبو رسولو سیستم او براورد وشو.
د ښار جوړولو او ځمکو وزارت د نویو انجنیري معیارونو مطابق او د اسلامي ارزښتونو په پام کې نیولو سره د دولتي ودانیو طرحه او ډیزاین کوي.