له کندهار تر سپین بولدک د ریل پټلۍ تګ لاره معلومه شوه
۱۴۴۵/۱۱/۲
کندهار ولایت کې د کور او ښار جوړولو ریاست محترم رئیس مولوي عبدالمتین وايي، د ریاست اړوند تخنیکي ټیم یې، د افغانستان د اوسپنې پټلۍ ادارې د تخنیکي پلاوي، د کندهار ولايت د محترم مقام استازي، د کرنې ریاست، د کندهار ولايت د اوسپنې د پټلۍ امر، د سپين بولدک ولسوال او د ښاروالۍ د استازو په شتون کې، له کندهار تر سپین بولدک د ریل پټلۍ مسیر معلوم کړ.
ښاغلی مولوي عبدالمتین وایي، تخنیکي ټیم یې سپين بولدک ولسوالۍ ته د خپل سفر په مهال د کندهار- سپين بولدک ترمنځ د ريل پټلۍ پروژې لومړنۍ سروې وکړه.
د نوموړي په خبره، له کندهار تر سپین بولدک د (جي، پي، ایس) ټولې نقطې او د ریل پټلۍ د سړک مسیر عملاً معلوم شو.
