له ښار جوړولو او ځمکو وزارت سره د پلازمېنې زون پراختیا ادارې د ادغام تشکیلاتي طرحه وارزول شوه
د ښار جوړولو او ځمکو وزارت ښاغلي سرپرست مولوي حمد الله نعماني په هغه ناسته کې چې د یاد وزارت او د پلازمېنې پراخحتیا زون ادارې مسؤلینو په کې برخه اخیستې وه، له ښار جوړولو او ځمکو وزارت سره د پلازمېنې زون ادارې د ادغام تشکیلاتي طرحه و څېړله.
په ناسته کې د یادې موضوع په تړاو بېلا بېلې تشکیلاتي طرحې وړاندې شوې او په اړه یې هر اړخیز بحث وشو.
د ښار جوړولو او ځمکګو وزارت ښاغلي سرپرست مولوي حمد الله نعماني ټینګار وکړ چې باید په تشکیلاتي طرحه کې حمایوي ریاستونه ، تخنیکي ریاستونه او دغه راز هغه ریاستونه او معینیتونه چې کاري ورته والی لري باید معلوم او تفکیک شي.
په ناسته کې د وزارت او پلازمېنې پراختیا زون ادارې مسؤلینو خپل نظریات او وړاندیزونه شریک کړل چې څنګه کېدای شي یو غوره تشکیل او ادغام رامنځته کړي.
د ښار جوړولو او ځمکو وزارت ښاغلي سرپرست مولوي حمد الله نعماني هغه تخنیکي ټیم ته چې د وزارت او پلازمېنې پراختیا زون ادارې له مسؤلینو څخه جوړ شوی لارښوونه وکړه چې هڅه دې وکړي داسې طرحه جوړه کړي چې تشکیلاتي تورم او پاړسوب له منځه لاړ شي او چارې زیانمنې نه شي چې وروستۍ بېلګه دې بیا ورسره شریکه شي..
