لغمان کې د لومړني ښځینه مارکیټ رغنیزې چارې ۳۷ سلنه بشپړې شوي
ښارجوړولو او ځمکو وزارت د لغمان ولایت په مرکز مهتر لام ښار کې د لومړني ښځینه مارکیټ رغنیزې چارې ۳۷ سلنه بشپړې کړي او د روان کال تر پایه پورې به یې ګټې اخیستنې ته وسپاري.
دا مارکیټ په ۱۲۶۳ متر مربع ځمکه کې چې ۲۴ دوکان، ۱ د اوبو زیرمه، ښځینه او نارینه تشنابونه، ۱ د ساتوونکو خونه او د احاطې دیوال پکې شامل دي، د ۲۲ میلیونه او ۵۶۳ زره افغانیو په ارزښت جوړیږي.
ښارجوړولو او ځمکو وزارت د ثبات ټینګښت ملي برنامې له لارې د ټولګټو پروژو په عملي کولو د هېواد په کچه سیمه اییزه حکومتولي پیاوړې کړې او همداراز خلکو ته د اساسي خدماتو وړاندې کولو کچه لوړوي.
###
