لغمان ولايت کې د يو ښوونځي لپاره ودانۍ جوړه شوه
ښار جوړولو او ځمکو وزارت د لغمان ولايت په مرکز مهترلام ښار کې د مريم ابتدائيه ښوونځي لپاره د ودانۍ جوړولو چارې بشپړې کړې او ګټې اخېستنې ته يې وسپارله.
دا ښوونځی په ۶۱۸ متر مربع ځمکه کې په يو پوړيز ډول د پوهنې وزارت له انکشافي بوديجې څخه په ۱۸ ميلیونه افغانيو د کور جوړولو ادارې لهخوا د پېشساخت قطعاتو د توليد فابريکې پر مټ ورغول شوه.
ښار جوړولو او ځمکو وزارت د کور جوړونې ادارې د پېش ساخت قطعاتو د توليد فابريکې په وسيله د روان لمريز کال په ترڅ کې تر اوسه د هېواد په ۲۴ ولايتونو کې ۷۵ ښوونځيو لپاره ودانۍ جوړې کړي.
