غور کي د یوې پراختیایي پروژې چارې پای ته ورسېدې
ښارجوړولو او ځمکو وزارت د ثبات ټینګښت ملي برنامې له لارې د غور ولایت اداري کمپلکس ودانۍ د ۲۸۱ متره په اوږدوالي د احاطې دیوال، امنیتي برجونو، د ساتوونکو خونې، د اوبو زیرمې او سپتیک څاه رغنیزې چارې بشپړې کړې. دا پروژه د ۱۵ میلیونه افغانیو په ارزښت د دولت پراختیايي بودیجې څخه بشپړه شوې ده.
ښارجوړولو او ځمکو وزارت خلکو ته د اساسي خدمتونو د وړاندې کولو په موخه هر کال د ولایتونو په مرکز او ولسوالیو کې په سلګونه بنسټیزې پروژې تطبیق او عملي کوي.
###
