غزني ولایت کې د مهاجرینو لپاره د البیروني ښارګوټي د پلان بیا کتنه وشوه
۱۴۴۶/۰۱/۱۲
د کور او ښار جوړولو وزارت محترم سرپرست وزیر الحاج شیخ حمدالله نعماني په خپل کاري دفتر کې د غزني ولایت د مهاجرینو لپاره د البیروني ښارګوټي د پلان د مسودې بیا کتنه وکړه.
دغه بیاکتنه په دې موخه ترسره شوه، چې څنګه کیدای شي شته ستونزې حل او د تطبیق لپاره چمتو پلان ترتیب شي.
د یاد پلان طرحه کوونکو انجنیرانو په دغه پلان کې ټولې نمیګړتیاوې په ګوته او د حل لپاره یې له اړوندو مراجعو د لازیاتو معلوماتو غوښتنه وکړه.
د کور او ښار جوړولو وزارت محترم سرپرست وزیر الحاج شیخ حمدالله نعماني د شته پلان په ژر اصلاح ټینګار وکړ او یادونه یې وکړه چې د سړکونو پلنوالی، حریمونه، عبادت ځایونه او نورې برخې دې دقیقې معلومې شي.
د کور او ښار جوړولو وزارت د منظمو پلانو په ترتیبولو سره د ښاري ښکلا او د معیاري مسکن د رامنځته کولو هڅې کوي.
