غزني ولایت کې د ابتدائیه محکمو لپاره اتلس ولسوالیو کې ځمکې تعین شوې
۱۴۴۶/۰۶/۲۲
غزني ولایت کې د کور او ښار جوړولو ریاست محترم رئیس مولوي نور ولي بلال متقي وایي، د ریاست اړوند تخنیکي ټیم یې د نورو ادارو په ملتیا په (۱۸) ولسوالیو کې د ابتدائیه محکمو لپاره ځمکې تعین کړې.
ښاغلی مولوي بلال متقي وایي، د یادې چارې په ترسره کولو کې ورسره د غزني ولایت مرافعه محکمې، ولایت مقام، ارشاد، حج او اوقافو ریاست، مستوفیت ریاست، کرنې او مالدارۍ ریاست او د غزني ښاروالۍ ریاست استازو برخه اخیستې وه.
نوموړی وایي، یادو استازو د غزني اتلس ولسوالیو ته سفر وکړ او ټولو ولسوالیو کې یې ابتدائیه محکمو ته د هرې ولسوالۍ د محترم ولسوال، محترم امنیه قوماندان، محترم قاضي محترم مفتي، د استخباراتو محترم مدیر، او د کرنې محترم مدیر په شتون کې ځمکې تعین کړې.
غزني ولایت کې د کور او ښار جوړولو ریاست محترم تخنیکي ټیم په دغه اتلس ولسوالیو کې د یادو ځمکو د کروکي او سکیج چارې روانې کړي دي، چې د سکېچ له ترتیب وروسته به یې د کور او ښار جوړولو وزارت محترم مقام ته واستوي.
