سرپل ولایت کې له ښاري تخلفاتو مخنیوی وشو
۱۴۴۶/۰۹/۰۲
د کور او ښار جوړولو وزارت له ښاري تخلفاتو د مخنیوي ریاست تخنیکي ټیم په سرپل ولایت کې له ښاري تخلفاتو مخنیوی وکړ.
له ښاري تخلفاتو د مخنیوي ریاست محترم رئیس مولوي عبدالمنان حقاني وایي، تخنیکي ټیم یې د سرپل ولایت د کور او ښار جوړولو ریاست محترم رئیس داملا محمد نور نوراني په لارښوونه او همکارۍ د دغه ولایت په سنچارک ولسوالۍ کې په غیرقانوني توګه او له جواز پرته د یوې ابادۍ چارې روانې وې، چې مخنیوی یې وشو.
ښاغلی مولوي حقاني وایي، دغه د ابادۍ چارې د یو استوګنیز کور وو چې جواز یې نه درلود او په غیر قانوني توګه یې چارې روانې کړې وې.
نوموړي زیاته کړه، د کور خاوند ته توصیه وشوه چې، د ابادۍ چارې وځنډوي او د جواز ترلاسه کولو وروسته دې په قانوني بڼه چارې پیل کړي.
د کور او ښار جوړولو وزارت د خپلسرو چارو مخنیوی کوي او چاته اجازه نه ورکوي چې، په غیر قانوني توګه چارې پر مخ یوسي او ښارونه بې نظمه کړي.
