سرپل ولایت کې د ښاري تخلفاتو مخنیوي په موخه اقدامات پیل شول
۱۴۴۶/۰۶/۱۵
د کور او ښار جوړولو وزارت د ښاري تخلفاتو مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي او مسلکي ټیم یې سرپل ولایت کې د ښاري تخلفاتو پېژندو او مخنیوي په موخه د یاد ولایت د محترم مرستیال خال محمد حقاني او د دغه ولایت له محترم ښاروال او د همدې ولایت د ټولو ولسوالیو له محترمو ښاروالانو سره ناسته وکړه.
ښاغلی مولوي حقاني وایي، دغه ناسته مشورتي ناسته وه، چې په کې د ښاري تخلفاتو پېژندو او مخنیوي په موخه خبرې اترې وشوې.
نوموړی وایي، دغه ناسته اغېزمنه وه، چې په کې تصمیم ونیول شو، څو د ښاري تخلفاتو مخنیوی په جدي توګه وشي او شته ستونزې حل شي.
د ښاري سرغړونو پېژندنه، ډولونه، اغېزمن عوامل یې، د یادو سرغړونو د مخنیوي کاري بهیر، د اړوند ریاست دندې او مسؤلیتونه او نور اړین موضوعات هغه څه وو، چې په یاده ناسته کې پرې بشپړې خبرې شوې دي.
