سرپل ولایت کې د سړک غځېدو له امله د رامنځته شوي تخریب خساره معلومه شوه

۱۴۴۶/۱۱/۷

سرپل ولایت کې د کور او ښار جوړولو ریاست محترم ئیس مولوي داملامحمد نور نوران وایې د دغه ولایت د ښاروالۍ محترم ریاست په وړاندیز او د ولایت محترم مقام په حکم یې د سرپل ښار درېیمې ناحیې اړوند سیمه کې د یو سړک غځېدو له امله د تخریب شوو ودانیو خساره تثبیت کړه.

ښاغلی مولوي نوراني وایې، یاد سړک د ښار په درېیمه ناحیه کې هغه شل متره سړک دی، چې له عمومي سړک پیل او تر څلوېښت متره سړک پورې د لویدیځ په لوري غځېدلی دی.

نوموړی وایې، د خسارې د تثبیت چارې بشپړې شوې او نور سړکونه چې نقطه ګذاري شوي دي، چارې یې پیلېږي.

د معلوماتو له مخې، د یاد سړک له امله د تخریب شوو ودانیو خساره (95,000,000) افغانۍ راغلې ده.

د کور او ښار جوړولو وزارت د دولتي پروژو براورد کوي لګښت او خساره یې معلوموي او هڅه کوي چې له بشپړ دقت کار واخلي.