زابل ولايت کې له ۲۰۰ زره جريبو څخه زيات دولتي ملکيتونه سروې او ثبت شول
ښار جوړولو او ځمکو وزارت د دولتي ځمکو د بانک برنامې له لارې په زابل ولايت کې ۲۰۰۸۴۱ جريبه ځمکه او دولتي املاک سروې او ثبت کړل.
له دې ډلې څخه په ۹۷ قطعو کې ۱۹۶۵۳۰ جريبه سپینه دولتي ځمکه او په ۵۴ قطعو کې ۴۳۱۱ جريبه د دولت تر استفادې لاندې عامه ملکيتونه دي چې د زابل په مرکز او بېلابېلو ولسواليو کې سروې او ثبت شول.
ښار جوړولو او ځمکو وزارت تر اوسه د هېواد په ۲۸ ولايتونو کې په ۵۲۹۲ قطعو کې ۴ ميليونه ۵۶۹ زره او ۱۰۲ جريبه دولتي ځمکه او املاک سروې، نقشه او ثبت کړي دي.
