د کونړ ولایت د پېچ درې ولسوالۍ د روغتیايي کلینیک له رغنیزو چارو څارنه وشوه
۱۴۴۵/۹/۱۵
د کونړ ولایت د کور او ښار جوړولو ریاست محترم رئیس مولوي نبي الله وایي، د ریاست اړوند تخنیکي ټیم یې د دغه ولایت د پېچ درې ولسوالۍ د روغتیايي کلینیک له رغنیزو چارو څارنه وکړه.
ښاغلی مولوي نبي الله وایي، د پېچ درې ولسوالۍ د لیچلام د کلي فرعي کلینیک د (یو، این، ایچ، سي، آر) په مالي لګښت جوړېږي، چې ۲۰ کاري او د بستر خونې لري.
د نوموړي په وینا، د یاد روغتیایي کلنیک رغنیزې چارې د یو خصوصي شرکت له لوري پر مخ وړل کېږي، چې د کیفیت چارې یې د کور او ښار جوړولو وزارت د تخنیکي ټیم له خوا په دقت څارل کېږي.
د کور او ښار جوړولو وزارت تخنیکي ټیمونه په مرکز او ولایتونو کې د دولتي او غیر دولتي پروژو له رغنیزو چارو څارنه کوي، تر څو یې ټولې چارې په باکیفیته، مسلکي او معیاري ډول تر سره شي.
