د کور او ښار جوړولو وزیر د جلال اباد په رینګ روډ سیمه کې د مکروریانو له پروژې لیدنه وکړه

org_admin
یکشنبه ۱۴۰۴/۹/۹ - ۱۱:۱۳
ننګرهار رینګرود

۱۴۴۷/۶/۹

د کور او ښار جوړولو وزارت وزیر الحاج مولوي نجیب الله حیات حقاني د خپلو څارنیزو سفرونو په لړ کې، دا ځل د ننګرهار په جلال اباد ښار کې د رینګ روډ په سیمه کې د مکروریانو له پروژې لیدنه وکړه.

یاده پروژه چې په کې یو شمېر بلاکونه نیمه جوړ پاتې دي، د ښاري پراختیا په مهمو پلانونو کې حسابېږي.

ښاغلي وزیر الحاج مولوي نجیب الله حیات حقاني، د دغو نیمه‌کاره بلاکونو وضعیت له نږدې وڅېړه او د کار د بیا فعالولو، طرحوي ستونزو د حل او د پروژې د برخلیک او د چټک بشپړولو په اړه یې اړوندو مسوولینو ته لازمې سپارښتنې وکړې.

نوموړي ټینګار وکړ، چې د نیمه‌کاره پروژو بشپړول د وزارت له لومړیتوبونو څخه دي، ځکه چې د دې ډول پروژو پاتې کېدل د خلکو د استوګنې اړتیاوې ځنډوي او د ښار پرمختیایي بهیر اغېزمنوي.

د کور او ښار جوړولو وزارت ژمن دی، چې د مکروریانو په څېر بنسټیزې پروژې په معیاري توګه بشپړې کړي، څو خلک له خوندي، معیاري او مناسبې سرپناه برخمن شي.

د جلال اباد ښار اړوند د مکروریان استوګنیزه پروژه د ښار د استوګنې له مهمو پروژو څخه ده، چې نیمه‌کاره بلاکونه یې نه یوازې د خلکو اړتیاوې ځنډوي، بلکې د ښار ښکلا او نظم هم اغېزمنوي.

وزارت هوډ لري چې د دغو بلاکونو کار بیا چټک شي او د خلکو لپاره د معیاري استوګنې زمینه هر څومره ژر برابره شي، چې ترڅنګ به یې د ښاري خدمتونو کچه لوړه او د خلکو ژوند اسانه شي.

تازه خبرونه

یکشنبه ۱۴۰۴/۹/۹ - ۱۱:۳۴
Background image

لغمان ولایت کې د مهاجرینو د ښارګوټي پرانسته وشوه

۱۴۴۷/۶/۹

د کور او ښار جوړولو وزارت محترم وزیر الحاج مولوي نجیب الله حیات حقاني، په لغمان ولایت کې د مهاجرینو د ښارګوټي د پرانستې په مراسمو کې ګډون وکړ.

محترم مولوي نجیب الله حیات. . .

یکشنبه ۱۴۰۴/۹/۹ - ۱۱:۱۳
Background image

د کور او ښار جوړولو وزیر د جلال اباد په رینګ روډ سیمه کې د مکروریانو له پروژې لیدنه وکړه

۱۴۴۷/۶/۹

د کور او ښار جوړولو وزارت وزیر الحاج مولوي نجیب الله حیات حقاني د خپلو څارنیزو سفرونو په لړ کې، دا ځل د ننګرهار په جلال اباد ښار کې د رینګ روډ په سیمه کې د مکروریانو له پروژې. . .

یکشنبه ۱۴۰۴/۹/۹ - ۱۰:۵۵
Background image

 کور او ښار جوړولو وزیر د جلال اباد له نوي ښارګوټي لیدنه وکړه

۱۴۴۷/۶/۹

د کور او ښار جوړولو وزارت وزیر الحاج مولوي نجیب الله حیات حقاني، ختیځ زون ته د خپل سفر په ترڅ کې، د ننګرهار ولایت د جلال اباد ښار له نوي ښارګوټي څخه لیدنه وکړه.

ښاغلي وزیر د. . .

BACK TO NEWS

ښاغلی مولوي نجیب الله حیات حقاني 

 

۱ میاشت ago

د خپل خدای، مسلمان ملت او هېواد پر وړاندې ځان مسئول ګڼو اوخپله دنده ګڼو چې د ښاري پراختیا، اقتصادي او ټولنیزې ودې او چاپېریال ساتنې ته کار وکړو.
ژمن یوو او هڅې مو پیل کړي چې د کور او ښار جوړولو وزارت په یو خدماتي او ځواب ویونکي وزارت بدل کړو چې تل به د ابادۍ او ټولګټو پروژو د پلې کولو لپاره کار کوي او دغه برخه کې به روڼتیا، هڅونې او کارموندنې ته زمینه برابره کړو.

د کور او ښار جوړولو وزارت وزیر
د کور او ښار جوړولو وزارت