د کور او ښار جوړولو وزارت په ولایتي ریاستونو کې د دیني ارشاداتو په موخه سیمنار جوړ شو
۱۴۴۵/۰۶/۱۹
د کور او ښار جوړولو وزارت د دعوت او ارشاد رئیس محترم مفتي عبدالاحد د دې وزارت په ولایتي ریاستونو کې د دینې ارشاداتو د تبلیغ او رسولو په موخه په ځینو ولایتونو کې د سیمنار جوړولو په پار سفر وکړ.
په دغه لړ کې ښاغلي مفتي عبدالاحد غزني، لوګر، میدان وردک، ننګرهار او لغمان ولایتونو سفر وکړ او هلته یې د اړوندو ریاستونو کارکوونکو ته سیمنارونه ترتیب کړل.
په یادو علمي سیمنارونو کې تر ډېره د جهاد، له اسلامي نظام ملاتړ، اطاعت، امانت دارۍ او له خیانت څخه د ځان ساتلو په موخه علمي او دیني بیانونه شوي دي.
سیمنارونه په بشپړ اخلاص او پاک نیت د کلام الله مجید د څو مبارکو ایاتونو پّ تلاوت سره پیل شوي او بیا له مرکز تللي هیئت هر یو په خپل نوبت سره د قران کریم، نبوي احادیثو او فقه شریف په رڼا کې وینا وکړې.
په نبوي سنتو د صورت او سیرت برابرول، تقوا او پرهېزګاري، تعهد او د اسلام دین ته وفادار پاتې کېدل، حوصله او زغم، په ټولنه او مراجعینو سره نېک چلند، په خپل وخت د چارو ترسره کول، د خلکو په کارونو کې ځنډ او خنډ نه رامنځته کول، هغه موضوعات وو چې تر هر کارکوونکي ورسېدل او ټینګار پرې شوی چې باید په خپل ژوند کې یې عملي کړي.
دغه راز، د تېرو درسونو په تړاو د کار کوونکو ارزونه شوې، او فقه میسر، العقائد الاسلامیة او د دعوت او ارشاد مختصر نصاب (اساسات اسلام) کتابونه ټولو کار کوونکو ته ووېشل شول.
د هر ولایت د کور او ښار جوړولو ریاست مدرس ته دنده وسپارل شوه، چې د اساسات اسلام کتاب، اداري کار کوونکو، مجاهدینو اوخدماتي کار کوونکو ته په رسمي وختونو کې تدریس کړي، تر څو خلک د الله تعالی د فرائضو له مزایاوو برخمن شي.
د هر سیمنار په پای کې د اړوندو ولایتونو رئیسانو او کار کوونکو د دعوت او ارشاد محترم رئیس مفتي عبدالاحد په مشرۍ له ورغلي هیئت مننه او درناوی وکړ.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
https://www.youtube.com/
Tel:
https://t.me/mudh_af
Web:
https://mudh.gov.af/dr
FB page:
https://www.facebook.com/profile.php?id=100087195086592
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.
