د کور او ښار جوړولو وزارت پلاوي د امارات ښار ګوټي له ګذر وکیلانو سره وکتل

1444/04/01
د کور او ښار جوړوولو وزارت پلاوي د کابل ښار د قصبې سیمې د شیخ زاید (امارات) ښار کوټي څخه لیدنه  وکړه او هلته یې د سیمې د ګذر د وکیلانو سره  د بلاکونو د پاتې اقساطو په اړه خبرې وکړې.
د امارات هستوګنیز ښار ګوټي د ګذر وکیلانو د خپلو ستونزو په  اړه خبرې وکړې او وې ویل چې د اپارتمانونو مالکان د خپلو پاتې اقساطو ته ژمن دي خو د ا.ا.ا څخه یې وغوښتل چې په دې بد اقتصادي بهران کې دې د دوی سره مراعت وشي او په اقساطو کې دې کموالی راولي.
د کور او ښار جوړولو وزارت ورغلي پلاوي ور سره ژمنه وکړه چې د اپارتمانونو مالکان دې پنځوس سلنه خپل اقساط تحویل کړي پاتې نورو کې به لازمي تخفیف نظر کې ونیول شي.
د یادونې وړه ده چې د شیخ زاید ښار کوټی په (264)جریبه ځمکه کې جوړ چې 111 بلاکونه 5 منزله، 3332 اپارتمانونه چې 2, 3, او 4 خونو (اطاق) درلودنکی ده.