د کور او ښار جوړولو وزارت سرپرست له یو شمیر هېوادوالو سره وکتل
25/9/1446
د کور او ښار جوړولو وزارت محترم سرپرست وزیرالحاج شیخ حمدالله نعماني له یو شمیر هېوادوالو سره په خپل کاري دفتر کې وکتل.
راغلو کسانو د خپلو سیمو، ښارونو او نورو چارو په اړه وزیر ته معلومات ورکړل او د شته ستونزو د حل برخه کې یې د همکارۍ غوښتنه وکړه.
محترم سرپرست وزیر الحاج شیخ حمدالله نعماني، راغلو کسانو ته د دوی د ستونزو د حل برخه کې د همکارۍ ډاډ ورکړ او لازمې لارښوونې یې وکړې.
د کور او ښار جوړولو وزارت د منظمې ښاري ودې او پراختیا او دغه راز د معیاري مسکن د رامنځته کولو برخه کې د هېوادوالو ستونزې اورې او د حل برخه کې یې کوټلي ګامونه پورته کوي.
