د کور او ښار جوړولو وزارت سرپرست د ساختماني شرکتونو د ټولنې له مشر او غړو سره وکتل

۱۴۴۴/۱۱/۱۴

د کور او ښار جوړولو وزارت محترم سرپرست وزیر شیخ حمدالله نعماني د په کور دننه ساختماني شرکتونو د ټولنې له مشر او غړو سره وکتل او په بېلا بېلو موضوعاتو یې خبرې اترې وکړې.

په ناسته کې د ساختماني شرکتونو ټولنې مشر د نورو په استازولۍ خبرې وکړې او د خپلو چارو د کمیت او کیفیت برخه کې یې هر اړخیز ډاډ څرګند کړ.

دوی غوښتنه وکړه، چې په رغنیزو پروژو کې دې کورنیو شرکتونو ته لومړیتوب او ونډه ورکړل شي.

د کور او ښار جوړولو وزارت محترم سرپرست وزیر شیخ حمدالله نعماني وویل، هڅه کوي چې روان کال د ساختمان مارکېټ څرخ تاواولو او د چارو پرمختګ په موخه پر یو میکانیزم کار وکړي.

شیخ نعماني، په دغه برخه کې د ساختماني شرکتونو د ټولنې همغږي او همکاري هم اړینه وبلله او زیاته یې کړه، چې په نږدې راتلونکي کې به یوه بله ګډه ناسته وکړي او د ستونزو پر حل او د چارو بهیر پر چټکتیا به خبرې وکړي.

ښاغلي حمدالله نعماني د ساختماني شرکتونو مسؤلینو ته ډاډ ورکړ، چې ملاتړ یې کوي او دوی هر وخت کولی شي وزارت ته راشي او خپلې مشورې د وزارت له مقام سره شریکې کړي.

سرپرست وزیر وویل، افغانستان د ټولو ګډ کور دی او اړتیا ده چې افغانان یې په خپلو مټو اباد کړي او د پردیو په تمه دې پاتې نه شي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.