د کور او ښار جوړولو وزارت د کار کوونکو د دندو لایحه برېښنایي ډیتابېس ته داخل شوه
۱۴۴۵/۱۰/۲۲
د کور او ښار جوړولو وزارت د خپلو کارکوونکو د دندو لایحه له بیاکتنې وروسته د بشري سرچینو د معلوماتو مدیریت سیستم (HRMIS) کې داخل کړه.
د بشري سرچینو محترم رئیس مولوي محمد هارون صدیقي وایي، د ډیټابېس سیستم یې مخکې رامنځته شوی و، چې اوس دوی پراختیا ورکړه او په خبره یې، د بشري سرچینو د معلوماتو مدیریت سیستم (HRMIS) د کاغذي معلوماتو پروسه را لنډوي او د وخت له ضایع کېدو مخنیوی کوي.
د هغه په خبره، یاد سیستم پرمختللی دی، چې د کار کوونکو ټول معلومات په برېښنایي توګه په کې داخل او په ځانګړي کوډ کولای شي معلومات ترلاسه کړي.
دغه راز، یاد ریاست د برښنایي حاضرۍ سیستم چې مخکې جوړ و، د اوس وخت اړتیا وو سره سم نوی کړ.
د بشري سرچینو ریاست، د کاري وړتیا لوړولو په موخه په کور دننه او له هېواد بهر د لوړو زده کړو، روزنیزو ورکشاپونو، سیمنارونو او نورو ورته پروګرامونو ته د وزارت کار کوونکي ورپېژندلي دي.
