د کور او ښار جوړولو وزارت درې اداري تعمیرونه په اساسي ډول رنګ او ترمیم شول
۱۴۴۷/۶/۱۸
د کور او ښار جوړولو وزارت درې مهم اداري تعمیرونه د یوې منظمې پروژې له مخې په اساسي او معیاري ډول رنګمالي او ترمیم شول.
یاد درې مهم اداري تعمیرونه د یوې پراخې او معیاري ترمیمي پروسې له لارې په اساسي ډول رنګمالي او تخنیکي ترمیم شوي دي.
د ودانیو د ساتنې او دوامدارې استفادې په موخه دا کارونه د ساختماني اصولو او تخنیکي معیارونو مطابق ترسره شوي دي.
د دې کارونو موخه د اداري چاپېریال ښایست، د بیت المال د ودانیو ساتنه، او د کارکوونکو لپاره د مناسب کاري چاپېریال رامنځته کول دي.
په دغو درېیو ودانیو کې د رنګمالۍ، د زړو برخو ترمیم، د دېوالونو پاکول، او د سطحو یو لړ محافظتي کارونه ترسره شوي دي.
پروژه د تخنیکي معیارونو مطابق تطبیق شوې او د ساختماني چارو پر کیفیت یې ځانګړې څارنه شوې ده.
د کور او ښار جوړولو وزارت کې، د ودانیو د معیاري کولو او د ادارو د کاري اسانتیاوو د ښه کولو لړۍ به دوام ولري.
