د کور او ښار جوړولو وزارت خبرتیا!

د کور او ښار جوړولو وزارت خبرتیا!

د کابل ښار په نهمه ناحیه کې د پنځم مکروریان استوګنیزه پروژه چې د کور او ښار جوړولو وزارت تر نظارت لاندې د ایوګار کالپ ساختماني شرکت له لوري تطبیق کېږي، د نوو او پخوانیو مشتریانو لپاره ځانګړی تخفیف وړاندې کوي:

۱ – هغه مخکیني مشتریان چې قسطونه پرې پاتې دي او یا هغه نوي مشتریان چې د دې خبرتیا له خپرېدا وروسته که په لومړۍ میاشت کې پاتې قسطونه تحویل کړي او یا خریداري وکړي، له څوارلس ۱۴ سلنې تخفیف څخه برخمن کېږي.

۲ – هغه نوي یا پخواني مشتریان چې د دې خبرتیا له خپرېدا وروسته په دوهمه میاشت کې قسطونه تحویل کړي او یا نوي خریداري وکړي، له نهه ۹ سلنې تخفیف څخه برخمن کېږي.

۳ – او هغه نوي یا پخواني مشتریان چې د دې خبرتیا له خپرېدا وروسته په درېیمه میاشت کې خریداري وکړي او یا پاتې قسطونه تحویل کړي، له څلور ۴ سلنې تخفیف څخه برخمن کېږي.

بناءً د دغې خبرتیا له خپرېدا وروسته دې هغه کسان چې قسطونه پرې پاتې دي، خپل قسطونه تحویل کړي او نوي کسان دې خریداري وکړي او له پورته ذکر شوي تخفیف څخه دې برخمن شي.

د تخفیف موده کمه ده او تر درې میاشتو دوام کوي.

البته هغه کسان چې قسطونه پرې پاتې دي، د دې خبرتیا له خپرېدا وروسته دې تر څلورو میاشتو خپل پاتې قسطونه تحویل کړي او د نه تحویلۍ په صورت کې راتلونکی مکلفیت هغه ته متوجه دی او بیا د شکایت حق هم نه لري.

1404/7/27   -----     1447/4/26