د کوراوښار جوړولو وزارت سرپرست له ښاریانو سره د ستونزو د حل په موخه وکتل
12/05/1444
د کور او ښار جوړولو وزارت سرپرست محترم مولوي حمدالله نعماني د هېواد د بېلابېلو ولایتونو له یو شمېر اوسېدونکو سره د دوی د ستونزو د حل په موخه وکتل.
په دې کتنه کې ښاریانو د خپلو سیمو د ستونزو او ننګونو په اړه خبرې وکړې او د کور او ښار جوړولو وزارت له مشرتابه څخه یې وغوښتل چې د دغه وزارت د فعالیتونو په برخه کې د شته ستونزو په حل کې ورسره همکاري وکړي.
د کور او ښار جوړولو وزارت سرپرست محترم مولوي حمدالله نعماني د ښاریانو د ستونزو پر حل باندې ټینګار وکړ او ویې ویل، دغه وزارت هوډ لري چې په خپلو برخو کې د خلکو ننګونو او ستونزو ته رسیدګي وکړي.
