د کندز په چهاردرې ولسوالۍ کې د یو جومات رغنیزې چارې دوام لري
ښارجوړولو او ځمکو وزارت د کندز ولایت د چهار درې ولسوالۍ په چاري اباد کلي کې د ۱۰۰۰ کسانو په ظرفیت د یو جومات رغنیزې چارې ۲۵ سلنه بشپړې کړي دي.
دا جومات په ۶۳۰ متر مربع ځمکه کې په دوه پوړونو د ۳۴ میلیونه او ۶۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د روغتیايي مرکزونو، د دولتي ادارو ودانیو، لوبغالو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې رغنده رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.
