د کار کوونکو چارو د تنظیم او د اسانتیاوو رامنځته کولو په پار ناسته وشوه
۱۴۴۶/۰۷/۱۳
د کور او ښار جوړولو وزارت د محترم مالي او اداري مرستیال الحاج محمد ارسلاح خروټي په مشرۍ ناسته وشوه.
په دغه ناسته کې د کور او ښار جوړولو وزارت د یو شمېر ریاستونو مسؤلینو برخه اخیستې وه، چې په کې د کار کوونکو چارو د تنظیم او د اسانتیاوو په رامنځته کولو بحثونه وشول.
د کور او ښار جوړولو وزارت د کارکوونکو پر وخت حاضرېدل، د رسمي ورځې په منځ کې وتل، څرنګوالی، په سمه او احسنه توګه د دندو ترسره کول او داسې نور موارد هغه ټکي وو،چې په دغه ناسته کې پرې هر اړخیزې خبرې وشوې.
د غونډې ګډونوالو خپل نظریات شریک کړل چې، څه ډول کېدای شي چارې مدیریت او کنټرول کړي.
موخه دا وه چې، اصول او نظم مراعات شي، اسانتایوې رامنځته شي، رسمي چارې په خپل وخت ترسره او په کې د ځنډ او خنډ مخنیوی وشي.
د کور او ښار جوړولو وزارت رهبري او مسؤلین هڅه کوي چې په چارو کې لا زیات شفافیت، صداقت او اغېزمنتیا ترلاسه شي.
