د کابل ښار پر پراختیايي پلان هر اړ خیز بحث وشو
۱۴۴۶/۳/۶
د کور او ښار جوړولو وزارت د محترم سرپرست وزیر الحاج شیخ حمدالله نعماني په مشرۍ د کابل ښار پر پراختیایي پلان ګډې کمیټې ناسته وکړه، چې په دې ناسته کې د کابل د محترمې ښاروالۍ مرستیال، د اوبو رسونې او د چاپیریال ساتنې ادارې محترمو استازو هم ګډون در لود.
په دې ناسته کې د کابل ښار پر پراختیایي پلان چې د ساساکي لخوا تیرتیب شوي و بحث او نظرونه شریک شول چې تر دې مخکې هم په دې اړه څو جلسې شوي او په بیلابیلو برخو نظرونه شریک شوي ول.
د کور او ښار جوړولو وزارت محترم سرپرست وزیر شیخ حمدالله نعماني وویل، د کابل ښار اوسني پراختیایي پلان باید د ښار اوسني ستونزې حل کړي او د کابل ښار لپاره یو واضیح پلان وي.
په دې ناسته کې د کابل ښار لپاره په پراختیایي پلان کې شته ستونزې په ګوته او حل شوې او پریکړه وشوه چې یاد پراختیایي پلان به د ا.ا.ا د ریاست الورزا محترم عالي مقام ته وړاندې شي تر څو له منظورۍ وروسته د تطبیق لپاره چمتو شي.
