د کابل ښار د سړکونو سکلیټ بندۍ ماسټر پلان د تخنیکي کمېټې له لوري وروستی شو

۱۴۴۵/۰۶/۰۵

د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني په مشرۍ د تخنکي کمېټې له لوري د کابل ښار د سړکونو سکلیټ بندي او ماسټر پلان چارې وروستي پړاو ته ورسېدې.

دغه چاره چې د کابل ښاروالۍ له لوري ترسره شوې وه او د کور او ښار جوړولو وزارت ته یې د تائید په پار را استولې وه، د اړوندې تخنیکي کمېټې د نظریاتو او اصلاحاتو وروسته یې چارې بشپړې او تائید شوې.

د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني وویل، د کابل ښار د سړکونو سکلیټ بندۍ ماسټر پلان د مهمو ښاري موضوعاتو څخه ده، چې په بشپړ غو راو دقت سره یې ارزونه وشوه او تائید شو.

نوموړي د یاد ماسټر پلان په ښه تطبیق ټینګار وکړ، تر څو وکولای شي کابل ښار کې د ترافیکو ګڼه ګوڼه را کمه کړي او حل لارې پیدا کړي.

یاد ماسټر پلان به د کور او ښآر جوړولو وزارت د محترم مقام له لوري تر تائید وروسته د ریاسة الوزرا محترم عالي مقام ته د منظورۍ په موخه واستول شي، چې تر هغې وروسته به د کابل محترمې ښاروالۍ له لوري پلي شي.

تمه ده چې په پلي کېدا سره به یې په کابل ښار کې د ترافیکي ګڼې ګوڼې شته ستونزې تر یو بریده حل شي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.